ग्रामपंचायत कर्मचारी आंदोलनात सहभागी
शिरोळ, ता. १० ः ग्रामपंचायत कर्मचाऱ्यांना नगरपरिषद कर्मचाऱ्याप्रमाणे वेतनश्रेणी मिळावी. जिल्हा परिषदेच्या क व ड वर्गातील कर्मचाऱ्यांच्या भरती प्रक्रियेमध्ये ग्रामपंचायत कर्मचाऱ्यांचा प्राधान्याने समावेश करावा. यासह विविध मागण्यांसाठी शिरोळ तालुक्यातील ग्रामपंचायत कर्मचाऱ्यांनी गटविकास अधिकारी यांना मागण्याचे निवेदन दिले. तालुक्यातील ग्रामपंचायत कर्मचारी आजपासून तीन दिवस काम बंद आंदोलनात सहभागी झाले आहेत.
ग्रामपंचायत कर्मचाऱ्यांना वेतन श्रेणी लागू करताना अभय यावलकर समितीच्या शिफारशी जशाच्या तशा लागू कराव्यात आकृतीबंध कर्मचारी या धोरणामध्ये बदल करावा, कामगारांचा भविष्य निर्वाह निधी ईपीसी कार्यालयाकडे वर्ग करावा आदी मागण्यांचे निवेदन सहाय्यक गट विकास अधिकारी प्रदीप पाटील यांच्याकडे दिले. तालुकाध्यक्ष राहुल होगले, सचिव सचिन माने, आक्काताई भोसले आदी उपस्थित होते.