01071
दत्त पॉलिटेक्निकमध्ये
वृक्षांना राखी बांधून कृतज्ञता
शिरोळ ः येथील श्री दत्त पाॅलिटेक्निक काॅलेजच्या विद्यार्थीनींनी, पर्यावरणाचे रक्षण करणाऱ्या व सजीव जातीस, मोफत ऑक्सिजन पुरवठा करणाऱ्या झाडांना राखी बांधून कृतज्ञता व्यक्त केली. रक्षाबंधनानिमित्ताने बुधवारी देशभरात सामाजिक उपक्रम राबवून रक्षाबंधन सण साजरा होत आहे. ''वृक्षवल्ली आम्हा सोयरे वनचरे'' या संत तुकाराम महाराजांच्या अभंगात जीवनातील वृक्षांचे महत्त्व वर्णन केले आहे. मानवास अखंडित व मोफत ऑक्सिजन पुरवठा करणाऱ्या झाडांना, शिक्षिका व विद्यार्थिनींनी राखी बांधून कृतज्ञता व्यक्त केली. याप्रसंगी कॉलेजचे प्राचार्य पी. आर. पाटील, उपप्राचार्य एन. बी. भोळे, मिस पी. बी. पाटील, विभागप्रमुख ए. ई. पाटील, एस. पी. चव्हाण प्रा. ए. टी. पाटील, शिक्षक, शिक्षकेतर कर्मचारी उपस्थित होते.