संभाजी महाराजांची
शिरोळमध्ये जयंती
शिरोळ ः येथील धर्मवीर छत्रपती संभाजी चौकात सार्वजनिक धर्मवीर छत्रपती संभाजी महाराज जयंती साजरी केली. माजी आमदार उल्हास पाटील, जिल्हा परिषद माजी सदस्य दलितमित्र डॉ. अशोकराव माने, माजी नगराध्यक्ष अमरसिंह पाटील, माजी सरपंच गजानन संकपाळ, शिवप्रतिष्ठानचे राष्ट्रीय अध्यक्ष रावसाहेब देसाई, तालुकाध्यक्ष प्रवीण चुडमुंगे आदींच्या उपस्थितीत छत्रपती संभाजी महाराजांच्या प्रतिकृतीचे पूजन केले. आरती, ध्येयमंत्र आणि प्रेरणामंत्र म्हणून धर्मवीर छत्रपती संभाजी महाराजांना अभिवादन केले. जयंतीचे आयोजन दिग्विजय माने, विकी शिंदे, पृथ्वीराज शिंदे, अभिजित गुरव, वैभव पाटील आदींनी केले होते.