रस्ता दुरुस्तीसाठी उद्या निदर्शने
सानेगुरुजी वसाहत : क्रांतिसिंह नाना पाटील नगर ते साई मंदिर कळंबा व फुलेवाडी रिंग रोडच्या दुरुस्तीचे काम त्वरित करावे, या मागणीचे निवेदन देऊनही कार्यवाही झाली नाही. या निषेधार्थ शुक्रवारी (ता. १०) क्रांतिसिंह नाना पाटील नगर चौकात सकाळी ११ वाजता ज्येष्ठ नागरिक संघाच्या वतीने निदर्शने व रास्ता रोको आंदोलन होणार आहे, अशी माहिती ज्येष्ठ नागरिक संघाचे उपाध्यक्ष गजानन विभूते यांनी दिली. खराब रस्ता दुरुस्तीबाबत १६ जानेवारीला महापालिकेला निवेदन दिले होते.