01492

अहिल्यादेवी होळकर स्मारकात
मल्हारराव होळकर पुण्यतिथी
साने गुरुजी वसाहत ता. २० ः आपटेनगर येथील अहिल्यादेवी होळकर यांच्या स्मारकावर श्रीमंत मल्हारराव होळकर यांची २५७ वी पुण्यतिथी झाली.
समाजसेवक गणपतराव बागडी यांच्या हस्ते श्रीमंत मल्हारराव होळकर यांच्या प्रतिमेचे पूजन झाले. मल्हार सेनेचे सरसेनापती बबनराव रानगे यांच्या अध्यक्षतेखाली व प्रा. टी. के. सरंगर, मल्हार सेनेचे जिल्हाप्रमुख बयाजी शेळके यांच्या प्रमुख उपस्थितीत कार्यक्रम झाला.
प्रमुख वक्ते टी.के. सरगर म्हणाले, ‘श्रीमंत मल्हाराव होळकर यांनी स्वतःचे स्वतंत्र अस्तित्व भारताच्या इतिहासात निर्माण केले. दिल्लीच्या बादशहाला धडकी भरवणारे कुशल राजनीतीज्ञ, शूर सेनानी होते. समाजाने प्रेरणा घ्यावी.’ जिल्हाध्यक्ष शहाजी शिद यांनी स्वागत व प्रास्ताविक केले. धनगर समाज महासंघांचे जिल्हाध्यक्ष राघू हजारे यांनी आभार मानले. यावेळी छगन नांगरे, बाळासाहेब दाईंगडे, मल्हार, कृष्णात हिरवे, दत्तात्रय बोडके, धोंडिराम कात्रट, प्रमोद बर्गे, मेघना गावडे, दीपाली शेळके, अर्चना जानकर, वासुदेव पुजारी, दत्तात्रय बुडके, शामराव माने, बाळकृष्ण पुजारी, कोंडीराम आडुळकर, बळीराम लांडगे, बाबूराव कोळेकर, विठ्ठल पुजारी, सुनील बोडेकर, आनंदा रानगे, धनाजी रानगे, प्रकाश कोळेकर, सखाराम शेळके, विठ्ठल दुधाळ व कार्यकर्ते उपस्थित होते.