आदर्श प्रशालेत लोकसंख्या विस्फोट दिन
साने गुरुजी वसाहत ः जुना वाशी नाका येथील सरनाईक कॉलनीमधील आदर्श प्रशालेत आज लोकसंख्या विस्फोट दिन झाला. प्रमुख पाहुणे म्हणून जनस्वास्थ्य दक्षता समितीचे दीपक देवलापूरकर होते. कार्यक्रमाच्या अध्यक्षस्थानी मुख्याध्यापक आर. वाय. पाटील होते. यावेळी बोलताना दीपक देवलापूरकर म्हणाले, ‘‘लोकसंख्या वाढीमुळे बेरोजगारी वाढत आहे. हवा, पाणी, जमीन यांच्या प्रदूषणातही वाढ होत आहे. याचा अनिष्ट परिणाम पुढच्या पिढीला भोगावे लागतील. त्यासाठी वृक्षारोपण करणे व पर्यावरणाचे रक्षण करणे आवश्यक आहे.’ ए. के. देसाई यांनी प्रास्ताविक केले. आर. बी. माने यांनी आभार मानले.