सातवे परिसरात
९० टक्के
ऊसतोडणी पूर्ण
सातवे ः पन्हाळा तालुक्यातील सातवे परिसरातील ऊस तोडणी हंगाम अंतिम टप्प्यात आला असून फेब्रुवारीअखेर ऊसतोडणी पूर्ण होण्याची शक्यता आहे. या परिसरात व तात्यासाहेब कोरे सहकारी साखर कारखाना, दत्त दालमिया आसुर्ले पोर्ले, उदय सहकारी साखर, विश्वास सहकारी साखर अशा चार कारखान्यांना ऊस पुरविण्यात आला. इतर पिके घेण्यासाठी शेतकऱ्यांची धांदल उडाली आहे. सातवे परिसरातील जवळपास नव्वद टक्के तोडणी पूर्ण झाल्याचे चित्र आहे. मक्का, उन्हाळी भुईमूग, मिरची, मूग आदी पिकांची पेरणी होत असल्याने शिवार माणसांनी फुलून गेले आहेत.