भेडसगाव पतसंस्थेला अडीच कोटी नफा
तुरुकवाडी : भेडसगाव नागरी पतसंस्थेला २ कोटी ५० लाखांचा नफा झाल्याचे संस्थापक चेअरमन हंबीरराव पाटील-भेडसगावकर यांनी सांगितले. संस्थेने २०६ कोटी ठेवीचा टप्पा ओलांडला आहे. कर्ज वाटपात १५.२६ टक्के वृद्धी होऊन १४२ कोटी ४९ लाखांचे कर्जवाटप केले आहे. सोने तारण व ठेव तारण ६५ कोटी ९२ लाख आहे. एकूण ठेवी २०६.५२ कोटी असून रोख व बँक शिल्लक रु. ५.७७ कोटी, गुंतवणूक रु.८६.१२ कोटी, ठेवतारण कर्जे रु. ६.७३ कोटी व सोनेतारण कर्जे रु.५९.३५ कोटी आहे. कर्ज वसुलीचे प्रमाण ९८.१० टक्के आहे. ८६ कोटी १२ लाख गुंतवणूक इतर बँकांत आहे. भागभांडवल व निधी २२ कोटी ३५ लाख असून १० टक्के लाभांश दिला जातो. ३०० कोटी ठेवीचा टप्पा पूर्ण करण्याचे उद्धिष्ट आहे. राज्यात २१ शाखा आहेत. पनवेल व साळवणला शाखा सुरू होणार आहेत. यावेळी नूतन जिल्हा परिषद सदस्य अमरसिंह पाटील, उपाध्यक्ष पांडुरंग डांगे, संचालक विठ्ठल पाटील, आबा लगारे, राजू कुसळे, विलास परीट, संग्राम पाटीलसह संचालक, अधिकारी व कर्मचारी उपस्थित होते.