सार्वजनिक शौचालयांची
लोणार वसाहतीत दुरवस्था
दारे मोडकळीस; आरोग्याचा प्रश्‍न
सकाळ वृत्तसेवा
उचगाव, ता. १० : कोल्हापूर महापालिका हद्दीतील लोणार वसाहतमधील सार्वजनिक शौचालयाची दुरवस्था झाली आहे. शौचालयाची दारे मोडकळीस आली आहेत. चेंबर उघडे पडल्याने परिसरात दुर्गंधी पसरत आहे. या शौचालयांची दुरुस्ती करावी, अशी मागणी नागरिकांतून होत आहे.
लोणार वसाहत परिसरात सार्वजनिक शौचालयांची दुरवस्था झाल्याने नागरिकांची गैरसोय होत आहे. शौचालयाची दारे मोडकळीस आली असून, शौचालयावरील झाकण फुटल्यामुळे परिसरात दुर्गंधी पसरत आहे. शौचालयांची स्वच्छता न झाल्याने आरोग्याचा प्रश्‍न निर्माण झाला आहे. महापालिकेच्या आरोग्य विभागाने शौचालयाची दुरुस्ती करावी व नेहमी स्वच्छता राखावी, अशी मागणी होत आहे.
-----------------
कोट
लोणार वसाहतीमधील शौचालयासंदर्भात आरोग्य कर्मचारी व आरोग्य विभागाशी आम्ही वेळोवेळी संपर्क साधून वस्तुस्थिती सांगितली आहे; परंतु याकडे जाणीवपूर्वक दुर्लक्ष केले जात आहे. येथील शौचालयांची दुरुस्ती करावी.
- अमित टोणे, नागरिक, लोणार वसाहत