वझरे गावसभेत विविध विषयांवर चर्चा
उत्तूर : वझरे (ता. आजरा) येथील ग्रामसभेत विकासकामांबाबत विविध विषयांवर चर्चा झाली. अध्यक्षस्थानी सरपंच शांताबाई गुरव होत्या. ग्रामसेवक सुहास देसाई यांनी इतिवृत्त वाचन केले. ग्रामपंचायत सदस्य मंगल भालेकर यांनी स्वागत केले. सभेत नवीन बचत गट सुरू करणे, वृक्षलागवड करणे, मोबाईल टाॕवर उभारण्यासाठी मंजुरी देणे, रोजगार सेवकांची निवड करणे, पंधरावा वित्त आयोग आराखड्यातील कामात बदल करणे, पाणंद रस्ते करणे, विविध योजनांचे लाभार्थी निवडणे, महात्मा गांधी राष्ट्रीय ग्रामीण रोजगार हमी योजनेचा पुरवणी आराखडा तयार करणे याबाबत चर्चा झाली. नळपाणी योजनेचा सर्वे करून बोगस कनेक्शन बंद करण्याबाबत व नळाला मोटर लावणाऱ्या नागरिकांवर कारवाईबाबत चर्चा झाली. यावेळी शीतल कांबळे, मधुकर खोत, भारती जाधव, विद्या जाधव, शशिकांत जाधव, घागरवाडी, खोतवाडी, बाबरवाडीतील ग्रामस्थ उपस्थित होते. उपसरपंच तुकाराम भालेकर यांनी आभार मानले.