04279
पेरणोलीत पत्रे उडाली, कासारकांडगावात झाड कोसळून वाहतूक ठप्प
उत्तूर ता.२५ ः पेरणोली (ता. आजरा) येथे वादळी वा-यामूळे घरांचे पत्रे,कौले व प्राथमीक शाळेची कौले उडून गेल्याने नूकसान झाले आहे.तर आजरा चंदगड मार्गावरील कासारकांडगाव येथे झाड कोसळल्याने वाहतूक ठप्प झाली आहे. संध्याकाळी सहाच्या दरम्यान अचानक जोरदार वादळ वा-याला सुरवात झाली. यावेळी गावातील व शेतातील घरांचे पत्रे, कौले उडून गेल्याने मोठे नूकसान झाले. काका मोहिते यांचे घराचे १० पत्रे उडून ग्रामपंचायतीच्या इमारतीवर पडून नूकसान झाले आहे.तर निवृत्ती मोहीते यांच्याही घराचे पत्रे उडाली आहेत.यासह अनेकांचे पत्रे,कौले उडून ७०हजारापेक्षा अधिक नूकसान झाले आहे.दरम्यान कासारकांडगाव मार्गावर झाड कोसळल्याने मार्गावरील वाहतूक काही काळ ठप्प झाली.