भावेश्‍वरी यात्रेबाबत बुधवारी बैठक
उत्तूर, ता. १२ : चिमणे-झुलपेवाडी गावचे ग्रामदैवत भावेश्‍वरी देवीची यात्रा २०२५ मध्ये साजरी करण्यात येणार आहे. याबाबतची बैठक भावेश्‍वरी मंदिरात बुधवारी (ता. १५) होणार आहे, अशी माहिती चिमणे गावचे सरपंच सुनील कांबळे यांनी दिली.
यावेळी यात्रेची तारीख निश्‍चित करणे, यात्रा काळातील विधी व इतर नियोजित कार्यक्रमांची रूपरेषा ठरविण्यात येणार आहे. चिकोत्रा नदीच्याकाठी भावेश्‍वरी देवीचे मंदिर वसले आहे. या देवीची यात्रा २०१० मध्ये झाली होती. मंदिराकडे जाणारा पक्का रस्ता नसल्याने पंधरा वर्षे ग्रामस्थांनी यात्रा साजरी केली नाही. रस्त्याचे काम अंतिम टप्प्यात आले आहे. यामुळे २०२५ साली यात्रा करण्याचा निर्णय ग्रामस्थांनी घेतला आहे.