भादवण आरोग्य केंद्रात
शव शीतगृह सुरू करा

उत्तूर, ता.२० ः भादवण (ता. आजरा) येथे प्राथमिक आरोग्य केंद्रात शव शीतगृह सुरू करावे, अशा मागणीचे निवेदन शिवसेना शाखा भादवणच्या वतीने सार्वजनिक आरोग्य व कुटुंब कल्याणमंत्री प्रकाश आबिटकर यांना देण्यात आले.
भादवण आरोग्य केंद्रात शव शीतगृह उभारल्यास भादवणसह परिसरातील ३० ते ३५ गावांना याचा लाभ होणार आहे. याशिवाय कौलगे-कडगाव जिल्हा परिषद मतदारसंघातील कौलगे, करंबळी हिरलगे या गावांनाही त्याचा लाभ होणार आहे.
आई-वडील गावी असतात आणि त्यांची सर्व मुले, नातेवाईक नोकरीनिमित्त बाहेरगावी शहरात राहतात. आई-वडिलांचे निधन झाल्यानंतर मुले व नातेवाईक येईपर्यंत मृतदेह आजरा, गडहिंग्लज किंवा उत्तूर येथील रुग्णालयात ठेवावे लागतो. त्यामुळे उत्तूर प्राथमिक आरोग्य केंद्राच्या धर्तीवर भादवण प्राथमिक आरोग्य केंद्रात शव शीतगृह सुरू करावे, अशी मागणी केली आहे. निवेदनावर शिवसेना तालुकाप्रमुख संजय पाटील, शाखाप्रमुख श्रीकांत देवरकर, उपशाखाप्रमुख राहुल देसाई आदींच्या सह्या आहेत.