वडणगेतील मुस्लिम बांधवातर्फे
शिरोलीतील घटनेचा निषेध
वडणगे : शिरोली पुलाची येथे घडलेल्या संतापजनक घटनेचा वडणगे येथील मुस्लिम समाजातर्फे तीव्र निषेध करण्यात आला. अशा प्रकारांमुळे सामाजिक सलोखा धोक्यात येत असून, दोषींवर कठोर कारवाई करावी, अशी मागणी केली. घटनेतील गैरप्रकार हे माणुसकीला काळिमा फासणारे असून गुन्हेगाराला कोणताही धर्म नसतो. त्यामुळे अशा प्रवृत्तींना समाजाने थारा देऊ नये, असे मत मुस्लिम बांधवांनी व्यक्त केले.
या प्रकरणाची सखोल चौकशी करून दोषींवर कायदेशीर कारवाई करावी, पीडित मुलींना न्याय मिळावा, भविष्यात अशा घटना घडू नयेत, यासाठी प्रशासनाने कडक पावले उचलावीत, अशी मागणी केली. यावेळी मुन्वर मुल्ला, यासीन मुल्ला, सलीम मुल्ला, फिरोज मुल्ला, आदिल मोमीन, यासीन गार्दी, शहानवाज मुल्ला, आझाद मुल्ला, तोशिप मुजावर, सूरज मुल्ला आदी उपस्थित होते..