कोरे अभियांत्रिकीमध्ये
इंजिनिअरिंग रेडीनेस प्रोग्रॅम
सकाळ वृत्तसेवा
वारणानगर, ता. ११ : येथील तात्यासाहेब कोरे इन्स्टिट्यूट ऑफ इंजिनिअरिंग अँड टेक्नॉलॉजी (ऑटोनॉमस) अभियांत्रिकी महाविद्यालयामध्ये अभियांत्रिकी शिक्षणासाठी प्रवेश घेऊ इच्छिणाऱ्या विद्यार्थ्यांसाठी इंजिनिअरिंग रेडेनेस प्रोग्रॅम अंतर्गत फाउंडेशन प्रोग्रॅमचे आयोजन केले आहे, अशी माहिती वारणा विभाग शिक्षण मंडळाचे मुख्य कार्यकारी अधिकारी डॉ. व्ही. व्ही. कारजिन्नी यांनी दिली.
या फाउंडेशन प्रोग्राममध्ये अभियांत्रिकीच्या सर्व शाखांसाठी आवश्यक असणारे पायाभूत ज्ञान कौशल्य, सॉफ्टवेअर, अभियांत्रिकी क्षेत्रात, स्पर्धा परीक्षेतून तसेच डिफेन्स सर्व्हिसेसमध्ये असणाऱ्या संधींची सविस्तर माहिती दिली जाणार आहे. या फाउंडेशन प्रोग्रामचा लाभ विद्यार्थ्यांना अभियांत्रिकी शाखेतील शिक्षण घेताना होणार आहे. या फाउंडेशनकरिता विद्यार्थ्यांना मोफत प्रवेश दिला जाणार आहे, तसेच आवश्यक असल्यास विद्यार्थ्यांना राहण्याची सोय सुद्धा उपलब्ध असणार आहे. प्रोग्रामच्या आयोजनासाठी वारणा विविध उद्योग व शिक्षण समूहाचे अध्यक्ष डॉ. विनय कोरे, डॉ. व्ही. व्ही. कारजिन्नी, अधिष्ठाता डॉ. एस. एम. पिसे, प्राचार्य, डॉ. डी. एन. माने, डॉ. पी. जे. पाटील यांचे मार्गदर्शन लाभले. डॉ. संतोष देसाई व प्रा. गणेश कांबळे समन्वयक म्हणून काम पाहत आहेत. प्रवेशासाठी डॉ. अमोल पाटील यांच्याशी संपर्क साधण्याचे आवाहन केले.