05657

बहिरेवाडीत गुणवंत विद्यार्थी सत्कार
वारणानगर : ‘विद्यार्थ्यांनी ध्येयापर्यंत पोहोचण्यासाठी अभ्यासात सातत्य ठेवावे. जिद्द, चिकाटी आणि सातत्य असेल तर यश नक्की मिळते,’’ असे मत विनयनगर येथील तात्यासाहेब कोरे मिलिटरी अकॅडमीचे कमांडर कर्नल आर. बी. पाटील यांनी बहिरेवाडी (ता. पन्हाळा) येथे व्यक्त केले. महात्मा वाचनालय, शिवाजी तरुण मंडळ व गणपतराव जाधव (वस्ताद) क्रीडा मंडळ, बहिरेवाडी यांच्या संयुक्त विद्यमाने गुणवंत विद्यार्थी सत्कारावेळी ते बोलत होते. श्री. पाटील यांनी एनडीए व आर्मीमधील विविध परीक्षांविषयी कशी तयारी करावी, याबद्दल माहिती दिली. ग्रंथमित्र प्रा. के. जी. जाधव यांनी वाचनालयाच्या प्रगतीचा आढावा घेतला. दहावी, बारावी तसेच विद्यामंदिर बहिरेवाडीमधील एनएमएमएस, प्रज्ञाशोध परीक्षेतील ५० हून अधिक गुणवंत विद्यार्थी, शिक्षकांचा सत्कार झाला. यावेळी सरपंच प्रमिला जाधव, ग्रामपंचायत सदस्य युवराज भोसले, उपाध्यक्ष उत्तम जमदाडे उपस्थित होते. शिवराज जाधव यांनी सूत्रसंचालन केले. संपत चव्हाण यांनी आभार मानले. कार्यक्रम यशस्वीतेसाठी युवराज जाधव, प्रदीप जाधव, लखन करे, संजय जाधव, अशोक गोडे, रविराज देवकर यांनी परिश्रम घेतले.