03259
शंकरराव पाटील यांचा स्मृतिदिन
राधानगरी : कै. शंकरराव पाटील (कौलवकर) यांच्या योगदानातूनच राधानगरी तालुक्यातील पहिले उच्च महाविद्यालय सुरू झाले. महाविद्यालयातील पायाभूत सुविधांच्या वाढीला प्राधान्य राहील, असे प्रतिपादन राधानगरी तालुका शिक्षण प्रसारक मंडळाचे अध्यक्ष शामराव भोई यांनी केले. शिक्षण संस्थेचे संस्थापक अध्यक्ष कै. शंकरराव पाटील (कौलवकर) यांच्या अठराव्या स्मृतिदिन कार्यक्रमात ते बोलत होते. अध्यक्षस्थानी उपाध्यक्ष मोहन नेवडे होते. यावेळी शंकरराव पाटील यांच्या प्रतिमेस पुष्पहार अर्पण करून अभिवादन केले. मुख्याध्यापक रणधीर कांबळे प्रा. बी. एस. पाटील यांनी त्यांच्या शैक्षणिक क्षेत्रातील कार्याचा आढावा मांडला. यावेळी प्राचार्य डॉ. डी. एस. मोरूस्कर, पर्यवेक्षिका संगीता पाटील यांच्यासह शिक्षक, शिक्षकेतर कर्मचारी उपस्थित होते. सहाय्यक शिक्षक शहाजी जमनिक यांनी सूत्रसंचालन केले.