बेळगाव : कोरोनाच्या पार्श्वभूमीवर परीक्षा होणार की नाही याची मोठी चिंता लागून राहिलेल्या दहावी परीक्षेची शुक्रवारी (ता. 3) सांगता होणार आहे. त्यामुळे शिक्षण खात्याला मोठा दिलासा मिळणार आहे. तसेच विद्यार्थीही चिंतामुक्त होणार आहेत.

गुरुवारी दहावीचा मराठी (प्रथम भाषा) विषयाचा पेपर पार पडला. पेपरला सुरवात होण्यापूर्वी विद्यार्थ्यांची थर्मल स्क्रिनिंग करण्यात आली. प्रथम भाषा विषयाच्या पेपरला बेळगाव शैक्षणिक जिल्हात 774 विद्यार्थी गैरहजर राहिले तर 30877 विद्यार्थ्यांनी परीक्षा दिली असून आतापर्यंत झालेले 5 पेपर शांततेत पार पडल्याने शेवटचा पेपरही सुरळीतरित्या पार पडेल असा विश्वास शिक्षण खात्यातून व्यक्त केला जात असून शेवटच्या पेपर दिवशीही विद्यार्थ्यांनी सामाजिक अंतर राखावे असे आवाहन शिक्षण खात्याने केले आहे. 

मार्च महिन्यात होणारी दहावीची परीक्षा पुढे ढकलण्यात आली होती. त्यामुळे परीक्षा कधी होणार याची विद्यार्थ्यां वाट पाहत होते. मात्र कोरोनाचे संकट असतानाही शिक्षण खात्याने सामाजीक अंतर राखत आणि इतर गोष्टींकडे लक्ष देत परीक्षा काळात कोणत्याही प्रकारचा गोंधळ होणार नाही याकडे लक्ष दिले होते. त्यामुळे आतापर्यंत परिक्षा सुरळीत पार पडली आहे. शुक्रवारी कन्नड (तृतीय भाषा) विषयाचा पेपरने परीक्षेने सांगता होणार आहे. 

हे पण वाचा - धक्कादायक : विषारी नाग पकडायचा, त्याचे चुंबन घेत खेळ करायचा, तो डंख मारू लागताच माणसांच्या गर्दीत सोडायचा...

शिक्षण खात्याने अतिशय चांगल्या प्रकारे परीक्षेबाबत दक्षता घेतली. त्यामुळे परीक्षा शांततेत पार पडली असून शेवटच्या पेपरवेळीही विद्यार्थ्यांनी  सामाजिक अंतर राखावे. 
-ए. बी. पुंडलिक, जिल्हा शिक्षणाधिकारी

पहिल्या दिवसापासून परीक्षा अतिशय चांगल्या प्रकारे घेण्यात आली आहे. त्यामुळे कोणत्याही प्रकारचे दडपण आले नाही. शेवटचा पेपरही चांगल्या प्रकारे देणार आहे.
-मानशी पाटील, विध्यार्थीनी