कोल्हापूर : पश्चिम महाराष्ट्र देवस्थान समितीतर्फे अंबाबाई मंदिरातील मनकर्णिका कुंड खुले करण्याच्या कामाला आजपासून प्रारंभ झाला. 1958 साली हे कुंड बुजवले होते. मात्र, आता देवस्थान समिती ते पुन्हा खुले करणार आहे, यानिमित्ताने मंदिरातील तीर्थकुंड वैभव पुन्हा अनुभवायला मिळणार आहे.
दरम्यान, खासदार संभाजीराजे छत्रपती यांच्या हस्ते कामाचे भूमिपूजन झाले. ते म्हणाले,""देवस्थान समितीने चांगला निर्णय घेतला असून सातत्याने पाठपुरावा केल्यामुळे या कामाला आता प्रारंभ झाला आहे. लवकरात लवकर हा प्राचीन ठेवा कोल्हापूरकराबरोबरच पर्यटकांसाठीही भुरळ घालणारा ठरेल, यात शंका नाही.''
देवस्थान समितीचे अध्यक्ष महेश जाधव म्हणाले,""मनकर्णिका कुंडाला प्राचीन इतिहास असून अनेक ग्रंथांत त्याचा उल्लेख सापडतो. कुंडाच्या कामासाठी देवस्थान समितीने विशेष समिती स्थापन केली असून ही समिती या कामावर नियंत्रण ठेवणार आहे. तीन ते चार महिन्यांत हा कुंड भाविकांसाठी खुला केला जाईल.''
महापौर निलोफर आजरेकर यांच्या अध्यक्षतेखाली हा कार्यक्रम झाला. या वेळी आयुक्त डॉ. मल्लिनाथ कलशेट्टी, विरोधी पक्षनेते विजय सूर्यवंशी, नगरसेविका हसीना फरास, आदिल फरास, विनायक फाळके, देवस्थान समितीच्या खजानीस वैशाली क्षीरसागर, सदस्य शिवाजीराव जाधव, राजेंद्र जाधव, सचिव विजय पोवार, उपसचिव शीतल इंगवले, अभियंता सुदेश देशपांडे, सुयश पाटील, व्यवस्थापक धनाजी जाधव आदी उपस्थित होते.
दृष्टिक्षेप
- मनकर्णिका कुंड खुले करण्याच्या कामास प्रारंभ
- 1958 साली बुजवण्यात आले होते कुंड
- देवस्थानने स्थापन केलेली समिती ठेवणार कामावर लक्ष
- तीन-चार महिन्यात खुले होणार कुंड
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.