कोल्हापूर : दिवाळी पाडव्यानिमित्त येथील गवळी समाजातर्फे म्हशीप्रति कृतज्ञता म्हणून आज त्यांना नटवण्यात आले. वर्षानुवर्षांची ही परंपरा आजही पाळली गेली. मात्र, कोरोनाच्या पार्श्वभूमीवर सायलेन्सर काढून वाहनांच्या साथीने किंवा सवाद्य मिरवणूक काढू नये, कोणत्याही प्रकारे गर्दी करू नये, असे आवाहन समाजाने केले आहे. 

दरम्यान, आज सकाळी कसबा बावडा परिसरात म्हशी नटल्या. शिंगाना मोरपीस, गळ्यात कवड्यांची माळ, हार असा त्यांचा एक वेगळाच थाट यानिमित्ताने अनुभवायला मिळाला. पण, कोरोनाच्या पार्श्वभूमीवर आवश्यक सर्व खबरदारी घेण्यात आली. हौशी कोल्हापूरकर आणि म्हशीवरचे प्रेम हे एक अतूट समीकरण असल्याने प्रत्येक वर्षी हा अनोखा सोहळा पाहण्यासाठी मोठी गर्दी होते. कोल्हापूरकरांची अनोखी कृतज्ञतेची दिवाळी अशी या सोहळ्याची ओळख आहे. मात्र यंदा कोरोनाच्या पार्श्वभूमीवर कोणत्याही प्रकारे गर्दी होणार नाही, याची खबरदारी घेण्यात आली आहे.

हेही वाचा - डोंगर उतारावर पिकवली आले शेती ; पन्हाळा तालुक्यातील शेतकऱ्याचा यशस्वी प्रयोग
 

संपादन - स्नेहल कदम