असळज (कोल्हापूर) : अणदूरजवळील कावळटेक धनगरवाड्याजवळ वन तळ्यात बुडून आज दोन मुलांचा अंत झाला. गंगाराम सावू पावणा (वय १४) व रामू कामनू डफडे (१९, दोघे रा. शेळोशी धनगरवाडा, ता. गगनबावडा) अशी त्यांची नावे आहेत. 

तळे वन विभागाच्या हद्दीत आहे. तेथे दोघे गुरे धुण्यासाठी व जनावरांना पाणी पाजण्यासाठी गेले होते. काल दुपारी ही घटना घडली. याबाबत गगनबावड पोलिसांनी दिलेली माहिती अशी ः दोन मुले तीन किलोमीटरवरील कावळटेक धनगरवाडा वनतळ्याकडे गेली होती. ते पाय घसरून पडले असावेत. 
पोलिसांनी घटनास्थळी धाव घेऊन ग्रामस्थांच्या मदतीने दोन्ही मुलांचे मृतदेह सायंकाळी बाहेर काढले. या वेळी घटनास्थळी नातेवाईकांनी केलेला आक्रोश हृदय पिळवटून टाकणारा होता.

हेही वाचा - इचलकरंजीत ब्रेक फेल एसटीचा थरार ; चालकाने बस चढविली दुभाजकावर -

संपादन - स्नेहल कदम