सेनापती कापशी (कोल्हापूर ): मुगळी (ता. कागल) येथे शाळा इमारतीत अलगीकरण केलेल्या मधील रविवारी दोन आणि सोमवारी पहाटे दोन कोरोना पॉझिटिव्ह सापडल्याने संपूर्ण गाव हादरले आहे. गावाने स्वघोषित बंद पाळला आहे. 

गावात पहिल्यांदा आलेल्या तीन लोकांना प्राथमिक शाळेत संस्था अलगिकरणासाठी ठेवले होते. त्यांचा दोनच दिवसांपूर्वी 14 दिवसाचा कालावधी संपल्यावर फुले देऊन गौरव करून घरी सोडले होते. त्यानंतर आलेल्या मुंबईकरांना येथील माध्यमिक शाळेत संस्था विलगिकरनात ठेवले होते.

हेही वाचा- आरटीई प्रवेश प्रक्रिया कधी? पालकांची चिंता वाढली
 

 41 लोकांची पुन्हा तपासणी

आज आलेल्या चाचणीत दोघे पॉझिटिव्ह निघाले. तर आज पहाटे येथीलच आणखी दोघांचे रिपोर्ट पॉझिटिव्ह आल्याने संपूर्ण गाव हादरून गेले. हे लोक बैलघोडा परेल येथून आले आहेत. ते तेथे खानावळ चालवत होते. त्यामुळे त्यांचा अनेक लोकांशी संपर्क आलेला असू शकतो. चार बाधित आढळल्यानंतर या शाळेत अलगीकरणासाठी ठवलेल्यातील उरलेल्या 41 लोकांनाही कागल येथे तपासणीसाठी आज नेण्यात आले.