कोल्हापूर - "बंद होवू दे कोरोनाची वार्ता, नाद पुन्हा घुमू दे, तूच सुखकर्ता, तूच दुःखहर्ता...' अशी साद घालत आज सर्वत्र विघ्नहर्त्या गणरायाचे आगमन झाले. उद्या (शनिवारी) दिवसभरही गणेश आगमन होणार असून सर्वत्र बाप्पांची प्रतिष्ठापना होणार आहे. सार्वजनिक मंडळांच्या कार्यकर्त्यांनीही आजच मोठ्या संख्येने मात्र मोजक्‍याच कार्यकर्त्यांच्या उपस्थितीत मुर्ती नेल्या. "बाप्पा मोरया'च्या गजराने कुंभार गल्ल्या दुमदुमून गेल्या. 

दरम्यान, सध्या कोरोनाच्या पार्श्वभूमिवर गणेश उत्सव काळात गणेश मुर्ती आगमन आणि विसर्जन वेळी  गर्दी होऊ नये, सोशल डिस्टंसिंगचे पालन होणे अत्यावश्यक आहे. त्यामुळे सर्वत्रच गतीने गणेशोत्सव साध्या पद्धतीने करण्याचा निर्णय घेण्यात आला आहे. याच पार्श्वभूमिवर गणेश विसर्जनासाठी कोल्हापूर शहरात १७२ ठिकाणी कुंड ठेवण्यात आले आहेत. गणेश मंडळे, गृहनिर्माण संस्था, लोकप्रतिनीधी, स्वयंसेवी संस्थांनी गणेश  विसर्जन याच कुंडात करून सहकार्य करावे असे आवाहन महानगर पालिकेले केले आहे. 

कोरोना संसर्गाचा वाढता धोका विचारात घेऊन गर्दी टाळण्यासाठी नियोजन करण्यासाठी आज महापालिका व पोलिस प्रशासनाची बैठक झाली. बैठकीत विसर्जनासाठी शहरातील 170 ठिकाणी मूर्ती विसर्जनाची सुविधा उपलब्ध करून दिली आहे. भाविकांनी मूर्ती विसर्जनासाठी प्रभागातील विसर्जन कुंडाचा वापर करावा असे आवाहन महापालिका व पोलिस प्रशासनाने केले आहे. 

संपादन - धनाजी सुर्वे