कोल्हापूर : वाहन असो अगर मोबाईल चोरी प्रकार त्याची नोंद थेट रेकॉर्डवर येण्याच्या प्रमाणात कमालीची वाढ झाली आहे. तशी पोलिस ठाण्यातील कच्ची तक्रार व गहाळ नोंदीचे प्रमाणात घट झाल्याचे चित्र आहे. 

शहर परिसरात वाहन आणि मोबाईल चोरीचे प्रकार वारंवार घडतच आहेत. वाहनांची वयोमर्यादा त्याची कागदपत्रे आदीचा विचार करून संबधित मालकाकडून शक्‍यतो याबाबत पोलिस ठाण्यात कच्ची नोंदच केली जात होती. चोरट्याकडून मुद्देमाल सापडला तर तो पुन्हा ताब्यात घेण्यासाठी कोर्टापर्यंत जाण्याचा त्रास वाचवा हा त्यामागील उद्देश होता. मोबाईल चोरीबाबत गहाळ दाखला घेऊन मोबाईलमधून सीम कार्ड बंद करण्याला पंसती दिली जायची. परिणामी वाहन व मोबाईल चोरीची नोंद होण्याचे प्रमाण कमी होते. कच्ची तक्रारीचा त्या ताकदीने तपास होत नसल्याने असे गुन्हे उघडकीस येण्यावर मर्यादा येत होत्या. 

हेही वाचा- धोक्याचा इशारा ! कोल्हापूरातील जंगलाच्या क्षेत्रामध्ये होतेय घट -

पोलिस अधीक्षक शैलेश बलकवडे यांनी सर्वसामान्यांच्या तक्रारीची तातडीने दखल घ्या, गुन्हे दाखल होण्याचे प्रमाण वाढले त्याबाबत मी विचारणा करणार नाही; पण ज्या पोलिस ठाण्यातील गुन्हे दाखल होण्याचे प्रमाण कमी असेल त्या पोलिस ठाण्याकडे विचारणा केली जाईल असे स्पष्ट केले होते. तसे शहर परिसरात होणाऱ्या वाहन चोरीचे रेकॉर्ड होण्यास गती मिळाली. अगदी चार हजार रुपयेपासून लाखोंची वाहने मोबाईल चोरीची नोंद दप्तरी होऊ लागली. त्याचा तपासही सायबरसेलच्या मदतीने सुरू झाला. 

संपादन- अर्चना बनगे