सांगली, ता. ४ : सांगली मतदारसंघातून कॉंग्रेसचे बंडखोर उमेदवार विशाल पाटील यांनी निर्णायक आघाडी घेत विजयाच्या दिशेने वाटचाल सुरू केली आहे. येथे भाजपला मोठा फटका बसला आहे. भाजपचे उमेदवार खासदार संजय पाटील यांची हॅट्‌ट्रिक हुकली आहे. उद्धव ठाकरे शिवसेना गटाचे उमेदवार पैलवान चंद्रहार पाटील यांना मतदारांनी नाकारल्याचे स्पष्ट दिसत आहे. नवव्या फेरीअखेर विशाल पाटील यांनी ३९ हजार ४८० मतांनी आघाडीवर होते.
सांगलीच्या उमेदवारीवरून महाविकास आघाडीत वादळ उठले होते. त्या वादळावर मात करीत विशाल पाटील यांनी सांगलीची पाटीलकी आपलीच, हे या निमित्ताने सिद्ध केले आहे.