नवेखेड (सांगली) : पाणलोट क्षेत्रात पडणारा पाऊस आणि कोयना धरणातून सोडण्यात येणारे पाणी यामुळे कृष्णा नदीच्या पाणी पातळीत मोठी वाढ झाली आहे. कृष्णा नदीचे पाणी पात्राबाहेर आल्याने महापुराच्या भीतीने कृष्णाकाठ धास्तावला आहे.

गेली चार दिवसांपासून सुरू असलेल्या पावसाने पाणलोट क्षेत्रात मोठ्या प्रमाणात पाऊस झाल्याने साठ हजार क्यूसेकने पाणी कोयना धरणातून सोडण्यात येत आहे. त्यामुळे कृष्णा नदीच्या पाणी पातळीत मोठी वाढ झाली असून अनेक ठिकाणी पाणी पत्राबाहेर आले.

वाळवा तालुक्यातील शिरठे, बहे फारनेवाडी, बोरगाव, गौडवाडी, बनेवडी, साठ पेवाडी, मुसुचिवाडी, जुनेखेड, शिरगाव, वाळवा या ठिकाणी पुरपट्ट्यात असणारे लोक काळजीने धास्तवले आहेत. पाणी वाढण्याचा अंदाज बांधण्या ऐवजी लोकांनी स्थलांतर करण्याची तयारी केली आहे.  

हे पण वाचा - बहादूर जवानांनी वाचविले कृष्णेत वाहत जाणाऱ्या पाच शेतकऱ्यांचे प्राण

काही लोकांनी जनावरे व इतर समान हलविले आहे. पुरपट्ट्यात घरे असणाऱ्या लोकांना ग्रामपंचायतीकडून स्थलांतर करा आशा नोटिसा पाठविण्यात आल्या आहेत. 

बोरगाव, बहे, नागठाणे येथील बंधारे तसेच आमनापूर पूल पाण्याखाली गेले आहेत. मागील पुरावेळी नदीकाठावरील लोकांचे झालेले हाल बघून लोकांनी मानसिक तयारी करत लोकांनी हलण्याची तयारी केली आहे. 
 

संपादन- धनाजी सुर्वे