कोल्हापूर : व्हाईट आर्मीच्या जवानावर चार दारूड्या गुंडांनी हल्ला करून डोक्‍यात दगड घातला. त्यात जवान गंभीर जखमी झाला. प्रेम पीतांबर सातपुते (वय २०, रा. कळंबा) असे जखमीचे नाव आहे. संभाजीनगर वारे वसाहत येथे मध्यरात्री हा प्रकार घडला. याची नोंद जुना राजवाडा पोलिसांत झाली.

जवान प्रेम सातपुते महाड येथील दुर्घटनेतील मदतकार्यात कामगिरी बजावून बुधवारी रात्री परतले. त्यानंतर सातपुते ते वारे वसाहतीच्या पिछाडीस असणाऱ्या कोविड अन्नछत्र सेंटरवर झोपण्यास दुचाकीवरून जात होते.

हेही वाचा- 108 रुग्णवाहिकेचे 42 जिगरबाज चालक ;  आठ हजारांवर कोरोना बाधितांना नेले सुखरूप

मध्यरात्री वारे वसाहतीजवळ रस्त्याकडेला मद्यपी गुंड बसले होते. त्यातील चौघांनी त्यांना अडवून हल्ला केला. एकाने त्यांच्या डोक्‍यात दगड घातला. यात सातपुते गंभीर जखमी झाले. नागरिकांनी सातपुते यांची सुटका केली. सातपुते यांनी सहकाऱ्यांना दिली. त्यांना सेवा रुग्णालयात दाखल केले. सातपुते यांच्या फिर्यादीनुसार चौघा हल्लेखोरांवर गुन्हा दाखल केला. हल्लेखोरांनी अन्य काहींना मारहाण केल्याची चर्चा होती. तक्रारदारांना पुढे येण्याचे आवाहन पोलिसांनी केले आहे.

संपादन - अर्चना बनगे