निवृत्त सैनिकाचा मुलगा, सुनेकडून छळ
सकाळ वृत्तसेवा
कोल्हापूर, ता. २३ ः वय ८३ वर्षे, सीमेवर देशाच्या रक्षणासाठी हयात घालवली, सीमेवरून पत्नी, मुलांच्या काळजीने बापाचे मन हेलावले. निवृत्तीनंतर सुखाचे जीवन जगायचे होते. अशातच आठ वर्षांपूर्वी पत्नीची साथ सुटली. मुलगा, सूनेकडून सुरू असलेल्या छळवादामुळे त्यांना पोलिसात धाव घ्यावी लागली.
सतत बोलणे, घरातून बाहेर काढण्याची धमकी देणे, उपाशी ठेवण्याचे प्रकार कुटूंबियांकडून सुरू झाले. याबाबत त्यांनी तक्रार अर्ज दाखल केला. यावरून करवीर पोलिसांत गुन्हाही दाखल करण्यात आला आहे.
घर नावावर होताच मुलाने घराबाहेर काढले, मित्राच्या घरी आसरा घेतला, पुढे आजारपण वाढत गेल्याने दवाखान्याच्या फेऱ्या वाढल्या. स्वतःचे घर, कुटूंब असतानाही रस्त्यावरचे जिवन जगण्याची वेळ आली.