कोल्हापूर : नवरात्रोत्सवाच्या सातव्या दिवशी आज करवीर निवासिनी श्री अंबाबाईची अगस्तीकृत सरस्वती स्तवन रूपातील सालंकृत पूजा बांधण्यात आली. करवीर महात्म्य हा करवीरचे क्षेत्र महात्म्य सांगणारा ग्रंथ अगस्ती ऋषी आणि लोपामुद्रा यांच्या संवादातून उलगडतो.

श्री अंबाबाईची पालखी घाटी दरवाजा समोरील ज्या दीपमाळेला प्रदक्षिणा घालते तेथे या दोघांच्याही मूर्ती आहेत. अगस्ती ऋषींनी लोपामुद्रेसह करवीरच्या त्रिशक्तीचे दर्शन घेतल्यानंतर जी स्तुतिस्तोत्रे बाहेर पडली त्यातीलच हे एक स्तवन असल्याचे श्रीपूजक पराग ठाणेकर, योगेश जोशी यांनी सांगितले. 

हे पण वाचा - आणि तुळजापूर येथील पिता-मुलांची झाली पंधरा वर्षांनी कोल्हापुरात भेट 

दरम्यान, राज्याचे गृहराज्यमंत्री शंभूराजे देसाई यांनी आज श्री अंबाबाईचे दर्शन घेतले. मंदिर भाविकांना दर्शनासाठी बंद असल्याने त्यांनी महाद्वार गेटपासूनच दर्शन घेतले.

संपादन - धनाजी सुर्वे