कुपवाड : एका शेतकर्‍याकडे एक कोटी रुपयाची लाच मागून राज्यभर चर्चेत आलेल्या कोल्हापूर पोलिस दलातील बडतर्फ पोलिस शिपाई जॉन विलास तिवडे (वय 40, रा. कोरोची ता.हातकणंगले) याला कुपवाड एमआयडीसी पोलिसांनी आज सकाळी मिरज येथे अटक केली.

पुणे जिल्ह्यातील देहूरोड येथील शेतकऱ्याकडे एक कोटी रुपये लाचेची मागणी केल्यामुळे तिवडे हा राज्यभर चर्चेत आला होता. पोलिस दलात या प्रकरणामुळे खळबळ उडाली आहे. आज त्याला कुपवाड पोलिसांनी आज सकाळी मिरज येथे अटक केली.

बडतर्फ तिवडे याच्याविरुद्ध सप्टेंबर 2020 मध्ये नात्यातील एका अल्पवयीन मुलीचे अपहरण करुन अत्याचार केल्याप्रकरणी कुपवाडला गुन्हा दाखल होता. या गुन्ह्यात तो दोन वर्षापासून फरार होता. कुपवाडचे पोलिस निरीक्षक अविनाश पाटील आणि त्यांचे पथक तिवडे यांच्या मार्गावर होते. आज तो मिरज येथे आल्याची माहिती मिळाल्यानंतर त्याला अटक केली. कुपवाडच्या गुन्ह्यात त्याला अटक केली आहे.