तासगाव (सांगली ः तासगाव तालुक्‍यातील वायफळे येथे ठाण्याहून आलेल्या एका युवकाला कोरोनाची लागण झाल्याचे आज स्पष्ट झाले. तालुक्‍यातही कोरोना रुगणांची संख्या यामुळे सहा झाली आहे. मिरजेला पाठविलेल्या दोघांपैकी एकाचा अहवाल पॉझिटिव्ह आल्याने गावात खळबळ उडाली आहे. 

वायफळे येथील सैनिक मळ्यातील एका घरातील चार ते पाच जण लोक तीन दिवसांपूर्वी मुंबईहून आले होते. त्यांना येथील जिल्हा परिषद शाळेत क्वारंटाईन करण्यात आले होते. बुधवारी रात्री उशिरा संबंधित युवक व त्याच्या वडिलांना कोरोनाची लक्षण आढळून आल्याने दोघांनाही वायफळे आरोग्य केंद्राच्या रुग्णवाहूकेतून मिरजेला हलवण्यात आले होते.

मात्र वडिलांना त्रास जाणवत नसल्याने त्यांना परत वायफळेकडे पाठवण्यात आले होते. तर संबंधित युवकाला मिरज येथे कोव्हिड रुग्णालयात दाखल करण्यात आले आहे. कालच त्याची चाचणी घेण्यात आली होती. त्याचा अहवाल प्रतीक्षेत होता शुक्रवार दुपारी त्याचा अहवाल पॉझिटीव्ह आला. या युवकासोबत अलेल्याना तासगाव येथे इन्स्टिटयूशनल क्वारंटाईन करण्यात येणार आहे.

दरम्यान आरोग्य यंत्रणा सक्रिय झाली असून गट विकास अधिकारी तालुका आरोग्य अधिआकरी यांच्यासह पोलीस पथक वायफळे येथे पोहोचले आहे. ज्याव भागात हा युवक कवारताईन करण्यात आला होता गो परिसर आता सील करण्याची तयारी प्रशासनाने सुरू केली आहे 

शिवाय या युवकांच्या संपर्कातील लोकांची यादी काढण्यात येत आहे.यापूर्वी तालुक्‍यात गव्हाण येथे 1, कचरेवाडी येथील 2, शिरगाव येथील 1 तासगाव येथील 1 असे कोरोना रुग्ण सापडले आहेत वायफळे येथे एक जण सापडल्याने आता तालुक्‍यात कोरोना रुग्णाणची संख्या 6 झाली आहे.