शिराळा ( सांगली ) - राज्यातील सत्ता स्थापनेच्या नाट्यमय घडामोडीचे पडसाद ग्रामीण भागात उमटू लागल्याने शिराळ्याचे आमदार मानसिंगराव नाईक यांचा पाठिंबा कोणाला या चर्चा आता सत्ता स्थापने एवढ्याच शिराळा मतदार संघात रंगू लागल्या आहेत.
नाईक घराणे आणि शरद पवार यांचे जुने राजकीय संबंध आहेत. शरद पवार व अजित पवार यांची मानसिंगराव नाईक यांच्यावर विशेष मर्जी आहे. २००९ ला उपमुख्यमंत्री असताना अजित पवार यांनी शिराळ्यासाठी भरीव निधी दिला त्यासाठी त्यांना तत्कालीन ग्रामविकासमंत्री जयंतराव पाटील यांची मोलाची साथ मिळाली. शरद पवार, अजित पवार व जयंत पाटील हेच मानसिंगराव नाईक यांचे नेते आहेत. महाशिवआघाडीच्या माध्यमातून सत्ता स्थापनेच्या तयारीत असलेल्या शरद पवार यांना त्यांच्याच पुतण्याने डावलून भाजपच्या सरकारला पाठिंबा देऊन उपमुख्यमंत्री पदाची शपथ घेतली. मात्र त्यांना आता बहुमत सिद्ध करावे लागणार आहे. त्यासाठी राष्ट्रवादीचे कोणते आमदार अजित पवार यांच्या पाठीशी आहेत याची उत्सुकता लागली आहे.
या संदर्भात आमदार मानसिंगराव नाईक यांच्याशी संपर्क साधला असता ते म्हणाले, मी प्रदेशाध्यक्ष जयंत पाटील यांच्या सोबत आहेत. जयंत पाटील असतील तिथे मी असेन.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.