सांगली : शासनाने कोरोनाला रोखण्यासाठी आजपासून मिनी लॉकडाऊनचे आदेश दिले आहेत. मात्र व्यापाऱ्यांनी शासनाचे आदेश झुगारुन देत बाजारपेठ सुरुच ठेवली. तसेच भाजी विक्रेतेही रस्त्यावरच बसल्याने बाजारात गर्दी होती. त्यामुळे आज दुपारपर्यंत तरी या मिनी लॉकडाऊनचा फज्जा उडाला होता.
कोरोनाबाधित रुग्णांची संख्या वेगाने वाढत असल्याने शासनाने आजपासून राज्यभरात मिनी लॉकडाऊनची घोषणा केली आहे. यामध्ये अत्यावश्यक सेवा वगळता संपूर्ण बाजारपेठ, मॉल, जिम, चित्रपटगृहे बंद ठेवण्याचे आदेश दिले आहेत. कोरोनाचे नियम न पाळणाऱ्यांवर कारवाईचे आदेश दिले आहेत. त्याची अंमलबजावणी आजपासून सुरु झाली आहे. परंतू आज सकाळपासूनच शहरातील बाजारपेठ सुरु होत्या. लॉकडाऊनचा प्रभाव दिसत नव्हता.
आधी महापूर आणि नंतर कोरोनाने व्यापाऱ्यांचे मोठे नुकसान झाले आहे. त्यातच पुन्हा सणासुदीच्या काळात व्यापार बंद ठेवून नुकसान करुन घेण्यास व्यापाऱ्यांचा विरोध आहे. त्यामुळे व्यापारी संघटनांनी या लॉकडाऊनला विरोध करत दुकाने सुरु ठेवण्याचा इशारा प्रशासनाला दिला होता. त्याचाच प्रभाव दिसून आला. मारुती रोड, गणपती पेठ, मेन रोड, सराफ कट्टा या भागात तसेच विश्रामबाग परिसरातही व्यापाऱ्यांनी दुकाने सुरुच ठेवल्याचे चित्र दिसून आले. त्यामुळे दुपारपर्यंतचे चित्र लॉकडाऊनचा फज्जा उडाल्याचे दिसत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.