श्रीरामपूर ः महसूलमंत्री बाळासाहेब थोरात यांच्या आपल्या राजकीय यशाच्या चढच्या कमानीचे रहस्य उलगडले. नेमके काय पथ्य पाळल्याने इथपर्यंत हेही स्पष्ट केले. हे सांगत असताना माझे राजकारण संपवणाऱ्यासाठी अनेकांनी प्रयत्न केले. मात्र, त्यांना कुठेच सापडलो नाही, हेही त्यांनी सांगितले.
""मागील पाच वर्षांत मला अडचणीत आणण्यासाठी अनेक प्रयोग झाले. शेवटी मी चांगल्यासाठी काम करत आहे. कुठेही काही चूक होऊ नये, असा माझा प्रामाणिक हेतू आहे. त्यामुळे कुठे सापडलो नाही. आताही मी शुद्ध हेतूने काम करत आहे. पुढील पाच वर्षे मंत्री राहणार आहे,'' असा राजकीय टोला महसूलमंत्री बाळासाहेब थोरात यांनी कोणाचेही नाव न घेता लगावला. येथे आयोजित आढावा बैठकीत आज सायंकाळी ते बोलत होते.
नियम मोडू नका
सामान्य जनतेच्या भल्यासाठी नियम मोडले, तर उद्या आमच्यावर आरोप होतील. आमच्याभोवती काही उद्योग झाला, तर त्या वेळी तुम्ही फक्त एकदा भेटायला याल. सरकारमध्ये काम करीत असताना प्रत्येक गोष्टीची काळजी घ्यावी लागते. काही जण आपले काही चुकले की काय हे पाहायला येतात. मागील काळात अडचणी आल्या नाहीत, असे समजू नका.
काम करण्याचा प्रामाणिक हेतू आहे. शुद्ध हेतूनेच काम करत आहोत. मिळालेल्या संधीचा उपयोग करीत जनतेच्या भल्यासाठी चांगले काम करीत राहणार आहे. काम करताना प्रत्येक गोष्टीची काळजी घ्यावी लागते, असे थोरात यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.