पलूस - सूर्यजित विलास माने (वय २७ , रा. आंधळी, ता. पलूस) या अट्टल मोटारसायकल चोरट्यास दोन लाख रुपये किमतीच्या पाच मोटारसायकलीसह पलूस पोलिसांनी अटक केली आहे. या चोरट्याकडून पलूस आणि तासगाव पोलिस ठाणे हद्दीतील ९ गुन्ह्यांचा छडा लावण्यात पलूस पोलिसांना यश आले आहे.
एक महिन्यापूर्वी आंधळी रोड, पलूस येथून अनोळखी चोरट्याने एक मोटारसायकल चोरल्याप्रकरणी पलूस पोलिस ठाण्यात फिर्याद दाखल करण्यात आली होती. पोलिस नाईक राकेश भोपळे या प्रकरणाचा तपास करत होते. अखेर भोपळे यांना खबऱ्यांकडून मिळालेल्या माहितीनुसार पलूस पोलिसांच्या पथकाने सापळा रचून सूर्यजित माने याला ताब्यात घेतले. मानेची कसून चौकशी केली असता, त्याने पलूस पोलिस ठाणे हद्दीत मोटारसायकल चोरीचे गुन्हे केले असल्याची कबुली दिली. त्यास अटक करण्यात आली.
या चोरट्याकडून पलूस पोलिस ठाण्यात दाखल असलेले ८ गुन्हे; तसेच तासगाव पोलिस ठाण्यात दाखल असलेला १ असे ९ गुन्हे उघडकीस आणलेले आहेत. यामध्ये या चोरट्याकडून पलूस पोलिस ठाणे येथे दाखल गुन्ह्यातील एफ डीलक्स मोटार सायकल, एम. डिलक्स, पॅशन प्रो मोटारसायकल, होन्डा युनिकॉर्न, टी. व्ही. एस. एक्सल; तसेच तासगाव पोलिस ठाणे येथे दाखल गुन्ह्यातील स्प्लेंडर मोटारसायकल अशा पाच मोटारसायकली जप्त करण्यात आल्या.
ही कारवाई पोलिस उपाधीक्षक अश्विनी शेंडगे यांच्या मार्गदर्शनाखाली पलूस ठाण्याचे सहायक निरीक्षक विकास जाधव, पोलिस नाईक राकेश भोपळे, दिलीप गोरे, प्रवीण पाटील, कॉन्स्टेबल प्रमोद साखरपे, अमोल कदम, हेडकॉन्स्टेबल रमेश किरपेकर, पोलिस नाईक नवनाथ धनवडे, गिरीश मोरे, सांगली सायबर क्राईमचे कॉन्स्टेबल कॅप्टन गुंडवाडे यांनी केली आहे. या कारवाईबद्दल पोलिस अधीक्षक दीक्षित गेडाम यांनी पलूस पोलिसांचे अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.