बेळगांव : शीर धडावेगळे करण्यात आलेला मृतदेह मुतगे (Belgaum District) येथील विहिरीत आढळून आला आहे. आज सकाळी हा प्रकार उघडकीस आल्यानंतर गावात एकच खळबळ उडाली असून मारिहाळ पोलिसांनी (Marihal Police) घटनास्थळी धाव घेऊन तपास चालविला आहे.

माजी तालुका पंचायत सदस्य सुनील अष्टेकर यांच्या शेतातील विहिरीत शीर नसलेला मृतदेह तरंगताना सकाळी सातच्या दरम्यान काही शेतकऱ्यांच्या निदर्शनास आला. त्यामुळं त्यांनी ही माहिती ग्रामस्थांना दिली. त्यानंतर सुनील अष्टेकर यांनी विहिरीकडं धाव घेऊन पाहणी केली.

ही माहिती मारिहाळ पोलिसांना देण्यात आल्यानंतर पोलीस निरीक्षक महांतेश बसापुरे व त्यांच्या सहकाऱ्यांनी घटनास्थळी धाव घेतली. अंदाजे ३० वर्षे वयोगटातील तरुणाचा हा मृतदेह असल्याचा अंदाज पोलिसांनी व्यक्त केलाय. पोलिसांनी शीर शोधण्यासाठी प्रयत्न चालवले आहेत.