कोल्हापूर - शिवाजी विद्यापीठाच्या नावात कोणताही बदल होऊ नये, अशी भूमिका ज्येष्ठ नेते प्रा. डॉ. एन. डी. पाटील यांनी घेतली आहे. तशी विनंती खासदार संभाजीराजे यांना करणार असल्याचे त्यांनी म्हटले आहे.
डॉ. पाटील यांच्या भूमिकेनंतर संभाजीराजे यांनी पत्रकाद्वारे जो काही निर्णय घ्यायचा आहे तो इतिहासकारांनी, तसेच शिवभक्तांनी घ्यावा, असे स्पष्ट केले.
संभाजीराजे यांनी छत्रपती शिवाजी महाराजांचा उल्लेख एकेरी होऊ नये, यासाठी शिवाजी विद्यापीठाचा छत्रपती शिवाजी महाराज विद्यापीठ असा नामविस्तार व्हावा, अशी भूमिका घेतली. मुख्यमंत्री उद्धव ठाकरे यांनी नामविस्ताराची प्रक्रिया सुरू करावी, अशी विनंती राज्यपालांना केली. नामविस्तार व्हावा की नाही, याबाबत उलटसुलट प्रतिक्रिया उमटल्या. शिवाजी महाराजांचे नाव संक्षिप्त होईल.
सीएसटी सारखी शिवाजी विद्यापीठाच्या नावाची अवस्था होऊ नये, यासाठी संभाजीराजेंनी फेरविचार करावा, अशा प्रतिक्रिया उमटू लागल्या. डॉ. एन. डी. पाटील यांनी मूळ नावात बदल होऊ नये, अशी भूमिका घेतली. त्यांच्या नेतृत्वाखाली शिवप्रेमींचे शिष्टमंडळ उद्या (ता. 10) सायंकाळी जिल्हाधिकाऱ्यांना भेटणार आहे.
दरम्यान, ज्येष्ठ इतिहास संशोधक डॉ. जयसिंगराव पवार यांनीही नामविस्ताराबाबत भूमिका मांडली. डाव्या आघाडीने नामविस्तारास विरोध केला आहे. या पार्श्‍वभूमीवर संभाजीराजे यांनी भूमिका मवाळ केली. तत्कालीन मुख्यमंत्री यशवंतराव चव्हाण यांनी विचारपूर्वक शिवाजी विद्यापीठ असे नाव दिले होते. त्यावेळीही छत्रपती शिवाजी महाराज विद्यापीठ असे नाव दिल्यास भविष्यात त्यांचे संक्षिप्त रूप होईल, असा निष्कर्ष नोंदविला होता. शहरात उलटसुलट प्रतिक्रिया उमटू लागल्यानंतर वाद निर्माण होऊ नये, यासाठी ज्येष्ठांनीच मध्यस्थीचा निर्णय घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.