सांगली : राष्ट्रवादीचे प्रदेशाध्यक्ष आणि जलसंपदामंत्री जयंत पाटील यांनी आज कोरोनाचा पहिला डोस घेतला. त्यांनी एक डोस घेतला मात्र, दहा लसींचे पैसे दिले. त्यांचे चिरंजीव प्रतीक पाटील यांनी ही आगळीवेगळी मोहिम हाती घेतली आहे. स्वतःसह दहा जणांच्या लसीचे पैसे मुख्यमंत्री सहायता निधीला देऊन या संकटात खारिचा वाटा उचलण्याचे आवाहन केले आहे. जयंत पाटील यांनी लस घेतल्यानंतर जिल्हा आरोग्य अधिकारी डॉ. मिलिंद पोरे यांच्याकडे धनादेश सुपुर्द केला. याबाबतची माहिती सोशल मीडियातून त्यांनी शेअर केली.
जयंतरावांनी म्हटले आहे की, आज सांगली येथे लसीचा पहिला डोस घेतला. प्रतीक जयंत पाटील व त्यांच्या सहकाऱ्यांनी सुरू केलेल्या #Citizens4Maharashtra या मोहिमेचे समर्थन म्हणून माझ्यासह दहा जणांच्या लसीचा खर्च मुख्यमंत्री सहाय्यता निधीला मदत म्हणून दिला. या तरुणांनी सुरू केलेला उपक्रम फार स्तुत्य आहे.
लस अगदी सुरक्षित आहे. त्यामुळे प्रत्येकाने शासनाच्या नियमानुसार लस घ्यावी. रुग्णसंख्येत दिवसेंदिवस घट होत आहे आणि परिस्थिती आटोक्यात येत आहे. मला विश्वास आहे की कोरोनामुक्तीकडे वाटचाल करणारे महाराष्ट्र हे पहिले राज्य ठरेल.
Edited By- Archana Banage
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.