दिघंची (सांगली) ः जर वर्षी येथे सनई, ढोल, बॅंजो चा आवाज घुमत असतो.. ते ठिकाण म्हणजे.. आटपाडी तालुक्‍यातील दिघंची.. शिवजयंती निमित्त येथे 11 वर्षापासून सामुदाईक विवाह सोहळा होत असतो. एकीकडे शिवजयंतीची धामधूम तर दुसरीकडे विवाह सोहळ्याचा मोठा गाजावाजा... सारा दिघंची परिसर गजबजून झातो. मात्र यंदा हा परिसर सामसुम बनला.. तो म्हणजे कोरोनाचा प्रादुर्भावामुळे.. आणि तब्बल 11 वर्षांची परंपरा खंडीत झाली आहे.

यंदाचा शिवजयंती व सामुदाईक विवाह सोहळा रद्द झाला. 
कोरोनाच्या प्रादुभावाला रोखण्यासाठी केंद्र व राज्य शासनाने पुकारलेल्या लॉकडाऊनमुळे येथील शिवजयंती अत्यंत साधेपणाने सोशल डिस्टनचे पालन करीत प्रतिमापुजन करून केले.

तर जयंतीनिमित्त होणारा सामुदाईक विवाह सोहळा रद्द करण्यात आल्याचे माहिती शिवप्रतिष्ठानचे सोपानराव काळे यांनी दिली.दिघंची शिवजयंतीचे वेगळे वैशिष्ट्य आहे. 1989 मध्ये स्थापन झालेले क्रांती गणेश तरुण मंडळ व 30 वर्षे सामाजिक उपक्रमत आघाडीवर आहे. त्यातच हा शिवजयंती सोहळा ग्रामस्थ यांच्या वतीने मोठ्या उत्साहात साजरा केला जातो. समाजाला दिशा देणारे कार्यक्रम व व्यख्याने घेतली जातात. 

या शिवजयंती निमित्त घेण्यात आलेल्या सामुदाईक विवाह सोहळ्यात दोनशे च्या वर वऱ्हाडी लोकांना अन्नदान केले जाते. दरम्यान 11 वर्षापासून सुरू असलेली सामुदाईक विवाह सोहळा कोरोनामुळे खंडीत झाला आहे. 

आत्ता पर्यंत शिवजयंती निमित्त घेत असलेल्या सामुदाईक विवाह सोहळ्यात 200 च्या वर शुभमंगल वऱ्हाडीना मोफत अन्नदान करून झाले. तर 60 जोडप्यांना अनुदानाचा लाभ मिळवून दिला 

सोपानराव काळे, 
संस्थापक क्रांती गणेश तरुण मंडळ 

लॉक डाऊन मुळे शिवजयंती प्रतिमाबापूजन करून साजरी केल्याने जयंतीनिमित्त घेण्यात येणाऱ्या 11 वर्षाची सामु दाईक विवाह सोहळ्याची परंपरा खंडित झाली 

धीरज मोरे ,शिवप्रतिष्ठान कार्यकर्ता