पंढरपूर : शिक्षकांना कॅशलेस आरोग्य योजना लागू करण्याबाबत क्षेत्रिय अधिकाऱ्याकडून माहिती एकत्र करण्यात आलेली आहे. शिक्षकांना कॅशलेस वैद्यकीय सुविधा उपलब्ध करून देण्यासाठी महाराष्ट्र शासन विचाराधीन आहे. याबाबत लवकरच बैठक आयोजित करून कॅशलेस आरोग्य योजना लागू करू असे आश्वासन शिक्षणमंत्री बाळासाहेब थोरात यांनी दिले आहे, अशी माहिती शिक्षक आमदार दत्तात्रय सावंत यांनी दिली.
शिक्षक आमदार दत्तात्रय सावंत यांनी शुक्रवारी लक्षवेधीद्वारे विधानपरिषद सभागृहात आक्रमकपणे हा प्रश्न मांडला, त्यावर आमदार श्रीकांत देशपांडे, आमदार निरंजन डावखरे, आमदार मनीषा कायंदे, आमदार बाळाराम पाटील यांनी सकारात्मक मते व्यक्त केली.
आमदार श्री. सावंत म्हणाले, शिक्षक व त्यांचे आई-वडील, पत्नी व मुले यांच्या उपचारासाठी राज्य सरकारमार्फत वैद्यकीय सुविधा उपलब्ध करून देण्यात येतात. परंतु वैद्यकीय देयक प्रतिपूर्ती योजना अत्यंत वेळखाऊ व तापदायक असल्याने शिक्षकांनी सादर केलेली वैद्यकीय देयक तीन ते चार वर्षांपासून प्रलंबित राहतात. वैद्यकीय देयके मंजूर करून घेण्यासाठी शिक्षकांना मानसिक व आर्थिक त्रास सोसावा लागतो. शिक्षकांना कॅशलेस मेडिकल योजना मिळणेबाबत महाराष्ट्र राज्य शाळा कृती समितीसह राज्यातील शिक्षक संघटनांकडून वारंवार मागणी करण्यात आली होती. त्याची दखल शिक्षणमंत्र्यांनी घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.