निपाणी : बेळगाव जिल्ह्यात निपाणी, कागवाड, मुडलगी कित्तूर, तर बिदर जिल्ह्यात कमालनगर, हुलसूर या नवीन तालुक्‍यांची निर्मिती २०१८-१९ मध्ये झाली आहे. भालकी तालुक्‍यातील काही गावे हुलसूरला जोडली आहेत. पण, महाराष्ट्र शासनाने आपला हक्क सांगितलेल्या सीमाभागातील ८६५ गावांच्या परिपत्रकात नव्या तालुका रचनेनुसार बदल केलेला नाही. त्यामुळे भविष्यात महाराष्ट्रातील सेवा-सुविधा, सवलतींपासून येथील मराठी भाषक वंचित राहण्याचा धोका आहे. महाराष्ट्र विधिमंडळाच्या आगामी अधिवेशनात यावर चर्चा करून परिपत्रकात बदल करण्याची मागणी नव्या तालुक्‍यांतील मराठी भाषक करत आहेत.

महाराष्ट्र शासनाने कर्नाटक सीमाभागातील ८६५ गावांवर दावा सांगून त्यांचे जिल्हा व तालुकावर परिपत्रक १० जुलै २००८ रोजी राज्यपालांच्या आदेशानुसार व शासनाच्या उपसचिवांच्या स्वाक्षरीने प्रसिद्ध केले आहे. या ८६५ गावांतील मराठी भाषक उमेदवारांना महाराष्ट्र शासनाच्या सेवेतील पदांवरील नियुक्तीसह व अन्य लाभासाठी हे परिपत्रक आवश्‍यक आहे. पण, बेळगाव जिल्ह्यात निपाणी, कागवाड तर बिदर जिल्ह्यात कमालनगर व हुलसूर या नवीन तालुक्‍यांची निर्मिती झाली आहे. परिणामी, महाराष्ट्र शासनानेही नव्या तालुका रचनेनुसार परिपत्रकात बदल करण्याची गरज आहे. बदल न झाल्यास सीमाभागातील मराठी भाषक उमेदवार भविष्यात महाराष्ट्रातील सेवा-सुविधा व सवलतींपासून वंचित राहू शकतात.

सध्याच्या परिपत्रकात जिल्हा व तालुकावार ८६५ गावांची विभागणी झालेली आहे. त्यात बेळगाव जिल्ह्यातील ३८५, कारवारमधील नवे तालुके परिपत्रकात कधी? 

२९९ आणि बिदरमधील १८१ गावांचा समावेश आहे. नवीन तालुक्‍यांच्या निर्मितीमुळे काही गावांचे तालुके बदलले आहेत. या बदलाची दुरुस्ती महाराष्ट्र शासनाच्या परिपत्रकात होणे आवश्‍यक आहे. महाराष्ट्राच्या परिपत्रकात अथणी तालुक्‍यातील ९ गावांचा समावेश आहे. आता त्यातून कागवाड हा नवीन तालुका झाल्याने ९ पैकी ३ गावे या तालुक्‍याला जोडली आहेत. चिक्कोडी तालुक्‍यातील ४८ गावांचा परिपत्रकात समावेश आहे. निपाणी तालुका झाल्याने ४८ पैकी तब्बल ३८ गावे निपाणी तालुक्‍यात समाविष्ट झाली आहेत. बिदच्या औराद, कमालनगर, बसवकल्याण, भालकी तालुक्‍याबाबतही परिपत्रकात बदल करावा लागणार आहे. 
 
परिपत्रकात अशी हवी ८६५ गावांची जिल्हा व तालुकानिहाय विभागणी
 
कारवार जिल्हा
तालुका*गावांची संख्या
कारवार*५० 
सुपा*१२६ 
हल्याळ*१२३ 
एकूण*२९९
 
बिदर जिल्हा
तालुका*गावांची संख्या
बसवकल्याण*३०
कमालनगर*५६ 
भालकी*५४ 
औराद (संतपूर)*२६
हुलसूर*०८ 
एकूण*१७४ 
 
गुलबर्गा जिल्हा
तालुका*गावांची संख्या
आळंद*०७ 
एकूण*०७
 
संपादन - धनाजी सुर्वे