The newly installed signal at Miraj Mission Chowk is off 
पश्चिम महाराष्ट्र

मिरजेत मिशन चौकातील नव्याने बसविलेले सिग्नल बंदच 

शंकर भोसले

मिरज : शहरातील वाहतुक व्यवस्थेला शिस्त लावण्यासाठी सिग्नल यंत्रणाचे नितांत गरज असते मात्र गेली अनेक वर्षे मिरजेतील सिग्नल यंत्रणा कोलमडली आहे. याला जबाबादार रस्त्यांवरील अतिक्रमणे आहेत. शहरातील लोक प्रतिनिधींच्या बगल बच्चांनी रस्त्यांच्या दुतर्फा अतिक्रमण केल्याने सिग्नल यंत्रणा कोलमडली आहे. 

शहरातील बंद सिग्नल यंत्रणा सुरू करण्यासाठी मिरज वाहतुक शाखेचे तत्कालीन सहाय्यक पोलिस निरीक्षक संजय क्षीरसागर यांनी मिशन चौकातील सिग्नलसाठी पाठपुरावा करून सिग्नल यंत्रणा कार्यान्वित करून घेतली. मात्र मिश्न चौकातील रूग्णालयासमोरील फुटपाथचे अतिक्रमणांमुळे सिग्नल यंत्रणा सुरू होऊ शकली नाही. 

मिरज मार्केट, शाहू चौक, स्टेशन चौक, मिशन चौक येथील वाहनांची गर्दी लक्षात घेता सिग्नल यंत्रणा गरजेची आहे. मात्र लोक प्रतिनिधींच्या उदासीन भुमिकेमुळे हे काम रखडले आहे. मार्केट परिसरात खाद्या गाड्यांच्या अतिक्रमणामुळे महाराणा चौकातील सिग्नल यंत्रणा हटविण्यात आली. तर शाहू चौक (हिरा हॉटेल अमर खड्डा) या चौकात सिग्नल यंत्रणेची नितांत गरज आहे. पाच रस्त्यांची एकत्रित आलेला हा चौक रोज एक अपघातास निमंत्रण देत असतो. 

तर स्टेशन चौकात प्रमुख बस स्थानक, रेल्वे स्थानक, छत्रपती शिवाजी रस्ता असल्याने या ठिकाणी शहरासह कर्नाटक, सोलापूर, कोल्हापूर जिल्ह्यातून येणा-या वाहन धारकांची संख्या अधिक आहे. येथे कायम वाहतुक कोंडी होते. तर सिग्नल आभावी सुसाट वाहनांमुळे अपघात घडत आहेत. 

सध्या मिशन चौकात नवी सिग्नल यंत्रणा बसविण्यात आली आहे. मात्र गेली वर्षभरापासून बंद अवस्थेत आहे. कारण या सिग्नल यंत्रणेस फुटपाथ वरील अतिक्रमणे आणि या ठिकाणी होणारे वाहन पार्किंग वाहतुकीस अडथळा निर्माण करत आहेत. येथील अतिक्रमणे न काढल्यास आणि सिग्नल पडल्यास वाहनांच्या रांगा या मिशन रूग्णालयाच्या गेट पर्यंत थांबून गेट पुर्णता बंद होण्याची शक्‍यात निर्माण होणार आहे. अतिक्रमणे काढण्यासाठी वाहतुक शाखेकडून महापालिकेस वारंवार पत्र व्यवहार झाला आहे. मात्र परिस्थिती जैसे थे आहे.

संपादन : प्रफुल्ल सुतार 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Valhe News : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Video: बापरे! प्रार्थना बेहरेच्या पायाला गंभीर दुखापत, व्हिडिओ शेअर करत म्हणाली...'तुमच्या आशिर्वादाची...'

Viral Video: हत्तीच्या बाळाची टरबूज मागण्याची क्यूट अदा, हृदयस्पर्शी व्हिडिओने जिंकली नेटकऱ्यांची मने

Thane Crime: कौटुंबिक हिंसाचाराच्या घटनांमध्ये वाढ, धक्कादायक आकडेवारी समोर

SCROLL FOR NEXT