सोलापूर : सोलापूर जिल्ह्यातील अक्‍कलकोट तालुक्‍यातील बुधवार पेठेत दोन, बोरगाव व सलगर येथे प्रत्येकी एक तर दक्षिण सोलापुरातील वांगी, मुळेगाव याठिकाणी प्रत्येकी एक रुग्ण कोरोना पॉझिटिव्ह सापडला आहे. दुसरीकडे माढा, पंढरपूर व सांगोल्यातील सर्व रुग्ण बरे होऊन घरी परतल्याने आता हे तालुके कोरोनामुक्‍त झाले आहेत.

तालुकानिहाय उपचार घेणारे रुग्ण
अक्‍कलकोट : 37
बार्शी : 20
करमाळा : 1
माढा : 0
माळशिरस : 1
मंगळवेढा : 0
मोहोळ : 10
उत्तर सोलापूर : 6
पंढरपूर : 0
सांगोला : 0
दक्षिण सोलापूर : 78


जिल्ह्यातील 29 जणांचे अहवाल पेन्डींग
शुक्रवारी जिल्ह्यातील 119 जणांचा अहवाल प्राप्त झाला. त्यानुसार सहाजण कोरोना पॉझिटिव्ह असल्याचे स्पष्ट झाले. आता जिल्ह्यातील 29 जणांचे अहवाल प्रलंबित आहेत. आतापर्यंत जिल्ह्यातील 14 जणांचा कोरोनामुळे मृत्यू झाला असून शुक्रवारी एकाही रुग्णांचा मृत्यू झाला नाही. तर तिघेजण कोरोनामुक्‍त होऊन घरी परतल्याचे आरोग्याधिकाऱ्यांकडून सांगण्यात आले.

जिल्ह्यातील संसर्ग येतोय आटोक्‍यात
सोलापूर जिल्ह्यात शुक्रवारी (ता. 26) अक्‍कलकोट तालुक्‍यातील बुधवार पेठ, बोरगाव, सलगर याठिकाणी चार तर दक्षिण सोलापुरातील वांगी, मुळेगाव याठिकाणी कोरोना पॉझिटिव्ह दोन रुग्ण सापडले आहेत. समाधानकारक बाब म्हणजे माढा व पंढरपूर तालुक्‍यातील सर्व रुग्ण बरे होऊन घरी परतले आहेत. तर सांगोल्यातील सर्व रुग्ण बरे झाले आहेत. जिल्ह्यातील माढा, पंढरपूर, सांगोला व मंगळवेढा हे तालुके कोरोनामुक्‍त झाले आहेत. जिल्ह्यातील 266 रुग्णांपैकी 14 जणांचा मृत्यू झाला असून 153 रुग्णांवर उपचार सुरु आहेत.