पश्चिम महाराष्ट्र

पार्ले ग्रामपंचायत चालवते पिठाची चक्की! 

हेमंत पवार

कऱ्हाड - ग्रामपंचायतीला गावातूनच उत्पन्नाचे साधन सुरू व्हावे, या उदात्त हेतूने सातारा जिल्हा परिषदेचे पहिले अध्यक्ष, माजी आमदार (कै.) आबासाहेब पाटील-पार्लेकर यांनी तब्बल ५५ वर्षांपूर्वी त्यांच्या पार्ले गावामध्ये पिठाची चक्की सुरू केली. ग्रापंचायतीच्या मालकीची चक्की असल्याने ती लवकर बंद पडेल, असे अनेकांना वाटत होते. मात्र, गेली ५५ वर्षे ही चक्की गावकऱ्यांनी चांगल्या पद्धतीने चालवून कमी दरात दळण देऊन लोकांचीही चांगली सोय केली आहे.  

२६ मार्च १९६४ रोजी ही पिठाची चक्की सुरू केली. त्याव्दारे गावातील लोकांना बाहेरच्यापेक्षा कमी दरात गावातच दळण दळून मिळण्याची सोय झाली. संबंधित चक्की ग्रामपंचायतीव्दारे सुरू असल्यामुळे आणि इतर ठिकाणांपेक्षा दरही कमी असल्याने पार्लेसह अन्य जवळच्या गावातील लोकही तेथून दळण दळून नेत असल्याचे तेथील ग्रामस्थ सांगतात. संबंधित चक्कीसंदर्भातील जमा-खर्च दरवर्षी १५ ऑगस्टच्या ग्रामसभेत मांडला जातो. तेथेच चक्की कोणाला चालवायला द्यायची, याचाही निर्णय ग्रामपंचायत करते. ज्याला चक्की खर्च जावून कमी दरात चालवायची आहे, तो संबंधित ग्रामसभेत चक्की चालवण्यासाठी ठराविक रकमेमध्ये घेणार असल्याचे जाहीर करतो. त्यामध्ये सर्वानुमते चक्की कोणाला चालवायला द्यायची, याचा निर्णय घेतला जातो. त्यानंतर संबंधितामार्फत ती चक्की वर्षभरासाठी चालवायली जाते, त्यातून लोकांची गावातच सोय होऊन ग्रामपंचायतीलाही उत्पन्नाचे साधन उपलब्ध झाले आहे.

ग्रामपंचायतीला उत्पन्नाचे साधन असावे या हेतूने (कै.) आबासाहेब पार्लेकर यांनी सुरू केलेली पिठाची चक्की आजही आम्ही ग्रामपंचायतीच्या माध्यमातून चालवत आहोत. त्याद्वारे ग्रामस्थांनाही कमी दरात दळण दळून दिले जाते आणि त्यांची चांगली सोयही होत आहे.
- प्रकाशराव नलवडे-पाटील  सरपंच, पार्ले 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Dharashiv Loksabha election : ...म्हणून ओमराजे निंबाळकर शिंदेंसोबत गेले नाहीत; 'सकाळ'च्या खास मुलाखतीत केला खुलासा

T20 World Cup 2024: BCCI निवड समितीची जय शाह यांच्यासोबत अहमदाबादमध्ये बैठक! टीम इंडियाची घोषणा कधी? अपडेट्स आल्या समोर

Patanjali Products Ban: पतंजलीच्या 14 औषधांवर उत्तराखंडमध्ये बंदी! सुप्रीम कोर्टानं फटकारल्याचा परिणाम

Loksabha election 2024 : बेटों के सम्मान में, 'मर्द' उतरे मैदान मे! ना विजयाची चिंता ना प्रचाराची फिकीर; पुरुषांच्या हक्कासाठी निवडणुकीच्या मैदानात

Thomas Cup 2024: भारताचा पुरुष बॅडमिंटन संघ उपांत्यपूर्व फेरीत, इंग्लंडचा 5-0 ने उडवला धुव्वा

SCROLL FOR NEXT