सांगली - रेल्वे वॅगनमध्ये साखर भरत असताना उच्चदाबाच्या रेल्वे लाईनचा शॉक लागल्याने प्रकाश परशुराम सरगर (वय ३४ रा. तात्यासाहेब मळा सांगली, मुळ गाव करगणी ता.आटपाडी) या हमालाचा जागीच मृत्यू झाला. गुरुवारी दुपारी पावणेतीन वाजण्याच्या सुमारास सांगली रेल्वेस्टेशनवरील मालधक्कयावर ही दुर्घटना घडली.
तरूण हमालाचा मृत्यू झाल्याने संतप्त हमालांनी आरोप करत काम बंद ठेवले. तर संबंधित दोषीवर गुन्हा दाखल करण्याची मागणीही यावेळी करण्यात आली. त्यामुळे रेल्वे स्टेशन मालधक्का आणि सिव्हील हॉस्पीटल आवारात काही काळ तणाव निर्माण झाला होता. रात्री उशीरापर्यंत याप्रकरणी रेल्वे लोहमार्ग पोलिस ठाण्यात गुन्हा दाखल करण्याचे काम सुरू होते.
याबाबत घटनास्थळावरून आलेली माहिती अशी, सध्या रेल्वे स्टेशन मालधक्क्यावर साखर निर्यातीच्या वॅगन भरून पाठवण्याचे काम सुरू आहे. आज दुपारी ट्रकमधून साखर वॅगनमध्ये भरत असताना प्रकाश साखरेच्या ट्रकमध्ये चढून साखरेवर झाकलेली ताडपत्री काढत होता. तर अन्य हमाल ट्रकच्या बाजूला उभे होते. वॅगनच्या जवळ ट्रक उभा केल्यानंतर प्रकाशने ताडपत्री ट्रकच्या टपार टाकताच वरून गेलेल्या उच्चदाब वाहिणीचा त्याला शॉक लागला.
विजेच्या धक्क्यामुळे प्रकाशचे जमिनीवर कोसळला. अन्य हमालांनी आराडाओरड केल्यानंतर उच्चदाब वाहिणीचा वीजपुरवठा बंद करण्यात आला. प्रकाशला तातडीने वसंतदादा सर्वोपचार रूग्णालयात दाखल करण्यात आले. परंतु प्रकाश जागेवरच मृत झाला असल्याचे डॉक्टरांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.