municipal corporation.jpg 
पश्चिम महाराष्ट्र

खणभागातील अंतर्गत रस्त्यासाठी भूसंपादनाचा प्रस्ताव...महासभेत निर्णय

बलराज पवार

सांगली-  खणभागातील पंचमुखी मारुती मंदिरासमोरुन शिकलगार गल्लीसह अंतर्गत भागात जाणाऱ्या रस्त्यासाठी भूसंपादन करण्याचा प्रस्तावर जिल्हाधिकाऱ्यांकडे पाठविण्यास महासभेत मंजुरी देण्यात आली. त्यामुळे या परिसरातील नागरिकांसाठी लवकरच रस्ता खुला होण्याची शक्‍यता आहे. 

पंचमुखी मारुती मंदिरासमोरच्या रस्त्याने शिकलगार गल्लीसह परिसरात जाण्यासाठी पूर्वी अंतर्गत रस्ता होता. पण तो खासगी मालकीचा असल्याने जागा मालकाने अडविला होता. त्याच्या भूसंपादनाचा प्रस्ताव अनेक वर्षे प्रलंबित होता. भाजपच्या नगरसेविका ऍड. स्वाती शिंदे यांनी अनेक वर्षे हा प्रश्‍न लावून धरला. विरोधी पक्षनेते उत्तम साखळकर, माजी महापौर हारुण शिकलगार, नगरसेविका सुनंदा राऊत आदींनी यासाठी प्रयत्न केले होते. 

आज महासभेत या जागेच्या भूसंपादनासाठी जिल्हाधिकाऱ्यांकडे प्रस्ताव पाठवण्यास मंजुरी देण्यात आली. या जागेपोटी संबंधित जागामालकाला एआर किंवा टीडीआर देऊन तो ताब्यात घेण्यात येणार आहे. आमराईतील लाकडांच्या विक्रीच्या प्रस्तावावर ऍड. स्वाती शिंदे यांनी उद्यान अधीक्षक शिवप्रसाद कोरे यांना जाब विचारला. महापालिका अंत्यसंस्कारासाठी तीन हजार रुपये टनाने लाकूड विकत घेते. मग महापालिकेच्या लाकडाची विक्री 1800-2000 रुपयांनी का? वर्षानुुवर्षे हा गोलमाल सुरू आहे. महापौर सौ. सुतार यांनी जागेवर पाहणी करून निर्णय घेण्याचे आदेश दिले. 
ऍड. स्वाती शिंदे यांनी यावेळी महापालिका क्षेत्रामध्ये कोरोना रुग्णांची वाढती संख्या पाहता पाच दिवसांचा लॉकडाऊन जाहीर करण्याची मागणी केली. नागरीकांना पूर्वकल्पना देऊन कडक लॉकडाऊन करावे अशी सूचना केली. 

महापालिका क्षेत्रातील लोकसंख्या विचारात घेता किमान पाच हजार कोरोना चाचणी किट्‌स जिल्हाधिकारी कार्यालयाकडून महापालिकेने मागून घ्यावीत आणि दाट लोकवस्ती असणाऱ्या भागांमध्ये कोरोना टेस्टिंगची मोहीम महानगरपालिकेने हाती घ्यावी असेही त्या म्हणाल्या. रुग्ण तपासण्यास नकार देणाऱ्या खासगी रुग्णालयांची महापालिकेने भरारी पथक स्थापन करून तपासणी करावी. दवाखाने बंद आढळल्यास संबंधित दवाखान्यांचे परवाने तात्काळ रद्द करावेत अशी मागणी केली. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

Latest Marathi News Updates : दक्षिण मुंबईतील गणेशोत्सव मंडळांची बैठक सुरु, अडचणींवर व नियोजनाबाबत होणार चर्चा

Video: प्रेमाची तालिबानी शिक्षा! काकाच्या मुलीवर प्रेम जडलं; रागात गावकऱ्यांनी प्रेमीयुगुलांना नांगराला जुंपलं, व्हिडिओ व्हायरल

८ चेंडूंत ६ विकेट्स.. पाच त्रिफळाचीत ! Kishor Kumar Sadhak ने इंग्लंडमध्ये सलग दोन षटकांत घेतल्या दोन Hat-Tricks

Parenting tips: पेराल ते उगवेल, आई वडिलांकडून अशा प्रकारे सवयी शिकतात मुलं

SCROLL FOR NEXT