सोलापूर : भ्रष्टाचारमुक्‍त भारत करण्याची घोषणा अद्यापही पूर्ण झाली नसून सर्वसामान्यांच्या कामांसाठी अथवा बेकायदेशीर कामांसाठी टेबलाखालून पैसे घेण्याची पद्धत महाराष्ट्रात विशेषत: पुण्यात मागील पाच वर्षांपासून सुरूच आहे. लाचखोरीत पाच वर्षांत पुणे विभाग अव्वल असून दुसऱ्या स्थानावर नाशिक, औरंगाबाद तर तिसऱ्या स्थानावर ठाणे, नागपूर विभाग आहेत. सर्वाधिक कारवाई पोलिस व महसूल विभागातच झाल्याची नोंद लाचलुचपत प्रतिबंधक विभागाकडे झाली आहे. 

हेही वाचाच...खुषखबर...नववर्षात शासकीय कर्मचाऱ्यांना विमा संरक्षण ! 

सरत्या वर्षात एक लाख 19 हजार 500 रुपयांसाठी राज्यातील तब्बल एक हजार 226 शासकीय अधिकारी व कर्मचारी लाचेच्या जाळ्यात अडकले. त्यात सर्वाधिक पोलिस, महसूल, जिल्हा परिषद व शिक्षण विभागातील अधिकारी, कर्मचाऱ्यांचा समावेश आहे. जानेवारी ते डिसेंबर 2019 या काळात राज्यात लाचखोरीच्या 881 गुन्ह्यांची नोंद झाली असून अद्यापही त्यातील 551 प्रकरणांचा तपास प्रलंबितच आहे. तीन महिन्यांहून अधिक कालावधी लोटलेल्या 141 प्रकरणांवर वरिष्ठ स्तरावरून निर्णय झालेला नाही. लाचखोरीतील आरोपींची चार कोटी 18 लाख रुपयांची बॅंक खाती गोठविण्याचा प्रस्ताव लाचलुचपत प्रतिबंधक विभागाने सादर करूनही त्याला परवानगी मिळालेली नाही. 2019 मध्ये पुणे विभागात सर्वाधिक 181 लाचखोरीची कारवाई करण्यात आली आहे. त्यापाठोपाठ औरंगाबाद व नाशिक विभागात प्रत्येकी 123, अमरावती व नागपूर विभागात 227 तर ठाण्यात 97 प्रकरणांत कारवाई करण्यात आली आहे. 

हेही आवश्‍य वाचाच...जयंत पाटलांनी घेतली जिल्हा परिषदेच्या पराभवाची माहिती 

विभागनिहाय पाच वर्षांतील लाच प्रकरणे 
विभाग         लाचखोरीची प्रकरणे 
पुणे             982 
नाशिक        729 
औरंगाबाद    693 
नागपूर        646 
ठाणे           614 

हेही आवश्‍य वाचाच...सोलापूर जिल्ह्याच्या राजकारणात आता हे गाव चर्चेत 

लोकांचा विश्‍वास वाढत असल्याने तक्रारीत वाढ 
राज्याच्या बहुतेक विभागांची मुख्य कार्यालये पुण्यात आहेत. मोठमोठ्या महापालिका याच विभागात असल्याने लाचखोरीचे प्रमाण पुणे विभागात सर्वाधिक राहिले आहे. जानेवारी ते डिसेंबर 2019 या काळात पुणे विभागात सर्वाधिक लाचखोरीच्या 181 प्रकरणांत कारवाई करण्यात आली आहे. वाढत्या कारवायांमुळे नागरिकांचा लाचलुचपत प्रतिबंधक विभागावरील विश्‍वास वाढत असून तक्रारीचे प्रमाण दिवसेंदिवस वाढतच आहे. 
- संजीव पाटील, उपअधीक्षक, लाचलुचपत प्रतिबंधक विभाग, सोलापूर