कोकरूड : खुजगांव (ता. शिराळा) येथील कोकरूड-शेडगेवाडी मार्गावरील वारणा जलसेतू जवळील वळण धोकादायक बनले असून समोरून येणारे वाहन दिसत नसल्याने या ठिकाणी वेळोवेळी अपघात होत आहेत.
यामुळे येथे दुहेरी मार्ग करावा यासाठी खुजगांव ग्रामस्थ व महाडिक युवा शक्ती प्रवाशी वाहतुक संघटना यांनी मंगळवारी सकाळी अकरा वाजता केलेला रास्तारोको अखेर सार्वजनिक बांधकाम विभागाचे सहअभियंता रोकडे यांनी लेखी आश्वासन दिल्यानंतर स्थगित करण्यात आला.
कराड-रत्नागिरी मार्गाचे महामार्गात रूपांतर होत असून रस्ता रूंदीकरणाचे काम वेगाने चालू आहे. पंरतु, खुजगांव येथील वारणेच्या नंबर 1 व 2 नंबरच्या पिलर जवळ समोरून येणारे वाहन दिसत नसल्यामुळे याठिकाणी सातत्याने अपघात होत आहेत. रस्ता रूंदीकरणावेळी दुहेरी मार्ग काढला जाईल, असे आश्वाशन सार्वजनिक बांधकाम विभागाने दिले होते. पंरतु त्याचा विसर या आधिकाऱ्यांना पडला आहे.
त्यामुळे ग्रामस्थ व महाडिक युवा शक्ती वाहतुक संघटना यांनी आज रास्तारोको केला. शिराळचे नायब तहसिलदार आर. बी. शिद यांनी आंदोलनस्थळी भेट दिली. यावेळी महाडिक युवा शक्तीचे अनिल घोडे, शामराव सावंत, बाळू सावंत, बाजीराव शेडगे, नथुराम सावंत, खिरवडे, सरपंच प्रमोद पाटील, दिनकर शेडगे, नाटवडेचे सरपंच बाजीराव मोहिते आदी उपस्थित होते.
संपादन : प्रफुल्ल सुतार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.