नगर : संपूर्ण राज्याचे लक्ष लागलेल्या कर्जत-जामखेड विधानसभा मतदारसंघात रोहित पवार व पालकमंत्री राम शिंदे यांच्यात झालेल्या लढतीत अखेर रोहित पवार यांनी बाजी मारली आहे. रोहित पवार यांनी राम शिंदे यांचा तब्बल 42 हजार मतांनी पराभव केला आहे.
रोहित पवार यांनी आज (ता. 24) सायंकाळी चौंडी येथे येऊन पुण्यश्लोक अहिल्यादेवी होळकर यांच्या मूर्तीचे दर्शन घेतले. त्यानंतर राम शिंदे यांच्या घरी जाऊन त्यांची भेट घेतली यावेळी पालकमंत्री शिंदे यांनी फेटा बांधून पवार यांचा सत्कार केला. त्यावेळी त्यांच्यासोबत काही निवडक कार्यकर्ते होते. तेथून पवार हे पालकमंत्री शिंदे यांच्या निवासस्थानी गेले. तिथे पालकमंत्री शिंदे यांच्या आईचे दर्शनही घेतले.
त्यानंतर शिंदे यांनी पवार यांचे अभिनंदन करीत फेटा बांधून त्यांचा सत्कार केला. रोहित पवार हे शिंदे यांच्या घरी येताच कार्यकर्त्यांनी मोठी गर्दी केली होती. रोहित पवार यांनी राजकीय परिपक्वता दाखवल्याची चर्चा यावरून सध्या राजकीय वर्तुळात आणि सोशल मीडियावर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.