मुंबई : युवासेनाप्रमुख आदित्य ठाकरे यांची अवस्था काँग्रेसचे माजी अध्यक्ष राहुल गांधी यांच्यासारखी होणार नाही, असा विश्वास रिपाइंचे (आरपीआय) प्रमुख रामदास आठवले यांनी व्यक्त केला आहे.

उल्हासनगरमधील गोलमैदान येथे आयोजित आरपीआय महामेळावा दरम्यान पत्रकारांशी बोलताना आठवले यांनी हे मत व्यक्त केले. आठवले हे सध्या भाजप-शिवसेना युतीसोबत लढत असून, त्यांना किती जागा मिळणार हे निश्चित नाही. नुकतेच प्रकाश आंबेडकर यांनी आदित्य ठाकरेंवर टीका करताना म्हटले होते, की आगामी निवडणुकीनंतर आदित्य ठाकरेंची  अवस्था राहुल गांधींसारखी होईल. त्यावर आठवलेंनी हे वक्तव्य केले आहे.

आठवले म्हणाले, की आदित्य ठाकरेंची अवस्था राहुल गांधींसारखी होणार नाही. ज्याला काय बोलायचे ते बोलू द्या. कारण ते उद्धव ठाकरेंचे पुत्र आहेत. तसेच मुख्यमंत्री पदासाठी अडीच-अडीच वर्षांचा फॉर्मूला असणार नाही. ज्याचे आमदार जास्त त्यांचा मुख्यमंत्री आणि दोन नंबरचे आमदारांच्या पक्षाला उपमुख्यमंत्री पद भेटू शकते.